Duqa Garoowe oo Ciidamada Puntland ugu baaqay inay fowdada joojiyaan

0

Duqa degmada Garowe Xasan Maxamed Ciise “Goodir” ayaa ugu baaqay saraakiisha amaanka inay xakameeyaan askartooda fowdada ka wada caasimada Puntland, kuwaas oo uu sheegay inay si mas’uuliyad darro ah xabado aan loo meel dayin iska ridayaan. Duqa ayaa hadalkan ka jeediyay munaaasibad lagu soo xirayay kalfadhigii koowaaad ee golaha deegaanka Garowe. Goodir ayaa wax lagu xumaado ku tilmaamtay soo noqnoqashada arrintaan, isagoo sheegay inay sumcad xumo iyo magac dil ku tahay caasimada Puntland ee Garowe oo aan horey looga baran waxyaabaha caynkaan oo kale ah. “Magaaladan caasumada ah waxay u baahan tahay in aanu ka wada shaqeeyo, waxayna marti u tahay dadka reer Puntland, qofkii hal xabad ka rida dhexdeeda wuxuu dhaawac u gaystay horumarkeeda, shakina kuma jiro garaadkeeda inuu hoos u ridayo, waxaan codsanayaa in xabadda laga daayo magaalada, in ciidamada madaxdooda ay fowdada ka daayan magaalada intii horre ayaa ugu filan” ayuu yiri Xasan Goodir. Duqa caasumada Puntland Xasan Goodir wuxuu sheegay inaysan u dul qaadan doonin in la xumeeyo nabad galyada Garowe, isagoo hoosta ka xariiqay inay tahay magaalo caan ku ah nabada, isla markaana astaan u ah jiritaanka Puntland. Habeenadii ugu danbeeyay magaalada Garowe ee caasumada Puntland ayaa laga maqlayay xabad, taasoo ka dambeeyeen ciidamo gadoodey kuwasoo ka cabanayey mushahar la’aan. Xasan Goodir “Dhegayso waraysigii Xasan Goodir” ]]>

LEAVE A REPLY

Please enter your comment!
Please enter your name here