Madaxweyne oo ka hadlay xiriirka Soomaaliya iyo Imaaraadka Carabta

0

Madaxweynaha Jamhuuriyadda Soomaaliya ayaa maanta booqasho ku tagay Isbitaalka Sheekh Sayid iyo xarunta safaaradda Imaaraadka Carabtu ku leedahay Magaalada Muqdisho. Madaxweynaha J. Soomaaliya, Xasan Sheekh Maxamuud ayaa marka hore waxa uu booqdey Isbitaalka Sheekh Sayd ee dowladda Imaaraadku ay ka dhistay magaalada Muqdisho, kaas oo lagu daweeyo dadka deggan caasimadda si lacag la’aan ah. Madaxweynaha oo uu wehliyey Sii haya xilka safiirka ahna ku xigeenka safiirka, ayaa soo indha-indheeyey qeybaha Isbitaalka uu ka kooban yahay, waxaana uu warbixinno ka dhageystay howlwadeenna iyo Dhaqaartiir ay ku jiraan Soomaali. Dhan kale Madaxweyne Xasan Sheekh Maxamuud, ayaa booqdey Safaaradda dowladda Imaaraadka Carabtu ay ku leedahay Magaalada Muqdisho, iyadoo u jeedku yahay muujinta xiriirka wanaagsan ee u dhaxeeya labada dawladood. Madaxweyne Xasan Sheekh ayaa isaga oo ku sugan xarunta safaaradda Imaaraadka sheegay in dowladda Imaaraadka uu uga mahadcelinayo mashaariicda ay dalka Soomaaliya ka fulisay, sida Isbitaalka Sheekh Sayd iyo qeybo cusub oo dhismahoodu uu socdo hadda, dowladda iyo shacabka Soomaaliyeedna ay abaal uga hayaan. Xasan Sheekh ayaa sheegay in maalmahaan ay socdeen dicaayado lagu waxyeelleynayo xiriirka iyo saaxiibnimada u dhaxesyaa Imaaraadka iyo Soomaaliya, taasina ay been abuur tahay, booqashadiisuna ay astaan u tahay arrintaas, xiriirka labada dalka u dhaxeeyaana uu mar walbana yahay mid sii xooggeysanaya. Sii haya xilka safiirka ahna ku xigeenka Safiirka Imaaraadka u fadhiya Soomaaliya Xamdaan Rashiid Al-Shamsa, ayaa dhankiisa uga mahadceliyey madaxweynaha Soomaaliya booqashadiisa safaaradda, waxa uu hoosta ka xariiqay in marnaba uusan xumaan xiriirka Soomaaliya iyo Imaaraadka, labada dalna ay yihiin walaalo wax wadaqabsi uu ka dhaxeeyo. Dowladda Imaaraadka waxa ay ka mid tahay dowladaha Caalamka ee Soomaaliya sannadihii u dambeeyey ka waday mashaariic waaweyn iyo taageero dhinacyo badan leh oo ay uga qeyb qaadanayaan dib u dhiska Soomaaliya.]]>

LEAVE A REPLY

Please enter your comment!
Please enter your name here